en cette période de Noel j'ai choisi ce poème de F Mistral afin de le partager avec vous
........amo de moun paÏs ,
Tu que dardaies , e manifèsto ,
E dins sa lengo e dins sa gèsto;
Quand li baroun picard, alemand , bourguignoun
Sarravon Toulouso e Bèu-caire
Contro li négri cavaucaire
Lis ome de Marsiho e li fiéu d'Avignoun;
Pèr la grandour di remembranço
Tu que nous sauves l'esperanço;
Tu que dins la jouinesso, e plus caud e plus bèu,
Mau-grat la mort e l'aclapaire
Fas regreia lou sang di paire;
Tu qu'ispirant li dous troubaire
Fas piei mistraleja la voues de Mirabèu;
Car lis oundado seculàri
E si tempèsto e si esglàri
An bèu mescla li pople , escafa li counfin ,
La terro maire , la naturo ,
Nourris toujour sa pourtaduro
Dou meme la : sa pousso duro
Toujour à l'oulivié dounara l'òli fin;
Amo de longo renadivo,
Amo jouiouso e fièro e vivo,
Qu'endihes dins lou brut dou Rose e dou rousau!
Amo di seuvo armouniouso
E di calanco souleiouso,
De la patrio amo piouso,
T'appele ! encarno-te dins mi vers prouvençau
F.Mistral